დასეტყვილი ახალციხის ქუჩებს ‘ოცნების’ აქტივისტები ასუფთავებენ [Photo]

ამ ეტაპზე, ახალგაზრდები ახალციხის ცენტრალურ პარკში მუშაობენ.

"გამომდინარე იქიდან, რომ გუშინ ახალციხეში იყო ძლიერი სეტყვა, დანაგვიანდა ქუჩები ფოთლებით. "ქართული ოცნების“ ახალგაზრდულმა ორგანიზაციამ გადავწყვიტეთ ჩვენი წვლილი შევიტანოთ ქალაქის დასუფთავებაში“, – ამბობს პოლიტიკური გაერთიანება „ქართული ოცნება-დემოკრატიული საქართველოს“ ახალციხის ახალგაზრდული ორგანიზაციის თავმჯდომარე გიორგი ცუხიშვილი.

მისი თქმით, სამშაოებში დაახლოებით 30–მდე ახალგაზრდაა ჩართული. პარკიდან ახალგაზრდები დიდიმამიშვილის ქუჩაზე გადაინაცვლებენ.
დღეს დილიდან ახალციხის ქუჩებს შპს „კეთლმოწყობის“ სამსახურიც ასუფთავებს. ახალგაზრდები ამბობენ, რომ მათ ტექნიკასა და ხელსაწყოებს იყენებენ.







[თაკო ფეიქრიშვილი, ახალციხე]