დარჩება თუ არა კობა გორგოძე მაჟორიტარად, დღეს გაირკვევა

„ახლა თბილისში ვარ და კონსულტაციებს გავდივარ. საბოლოო გადაწყვეტილება ალბათ დღის ბოლოს მეცოდინება“, - განუცხადა „სამხრეთის კარიბჭეს“ ახალციხე-ადიგენის ოლქში „პაატა ბურჭულაძე-სახელმწიფო ხალხისთვის“ დეპუტატობის კანდიდატმა კობა გორგოძემ.

შეგახსენებთ, რომ გუშინ, 27 სექტემბერს „გირჩმა“ საარჩევნო ბლოკი „პაატა ბურჭულაძე-სახელმწიფო ხალხისთვის“ დატოვა და განაცხადა, რომ არჩევნებში მონაწილეობას აღარ მიიღებს.

ამ მოვლენებთან დაკავშირებით, პაატა ბურჭულაძის პარტია ხვალ ადიგენში ბრიფინგს გამართავს. ამის შეასახებ „სამხრეთის კარიბჭეს“ ადიგენის შტაბის წარმომადგენელმა აცნობა.

[ლუბა გიორგაძე, ახალციხე]