ბლოკმა ‘სახელმწიფო ხალხისთვის’ სამცხე-ჯავახეთში დეპუტატობის კანდიდატები დაასახელა

8 ოქტომბერს, ამომრჩეველთა ხმების მოპოვებას, კობა გორგოძე – ახალციხე-ადიგენის საარჩევნო ოლქში ეცდება, კახა ბერიძე – ასპინძა-ბორჯომში (ასევე, ახალქალაქის 5 თემში), შაქრო აივაზიანი კი ახალქალაქი-ნინოწმინდის მაჟორიტარულ ოლქში.

პაატა ბურჭულაძემ სამცხე-ჯავახეთის სამივე ოლქში მაჟორიტარი დეპუტატობის კანდიდატები, აღმოსავლეთ საქართველოს სხვა კანდიდატებტან ერთად, რუსთავში დაასახელა.

შეგახსენებთ, რომ პაატა ბურჭულაძის პარტია “სახელმწიფო ხალხისთვის”, პოლიტიკური გაერთიანება “გირჩი”, გიორგი ვაშაძის “ახალი საქართველო” და “ახალი მემარჯვენეები” ერთ საარჩევნო ბლოკში გაერთიანდნენ. გაერთიანების სახელწოდებაა “პაატა ბურჭულაძე – მოძრაობა სახელმწიფო ხალხისთვის”.

[ლუბა გიორგაძე, ახალციხე]