„ნაციონალებმა“ ახალციხეში საარჩევნო პროგრამა წარადგინეს

დღეს, 12 სექტემბერს, ახალციხის ცენტრალურ პარკში „ნაციონალური მოძრაობის მხარდამჭერებმა“ შეკრება 12:00 საათიდან დაიწყეს. თეატრის მიმდებარე ტერიტორიაზე პარტიული სიის პირველი ათეულის წარმომადგენლებს და სხვა ახალ სახეებს ელოდნენ.

„ცენტრალურ პარკში შეკრებილებს“ დავით ბაქრაძემ მიმართა: „ახალციხე სიმბოლური ადგილია ჩვენთვის, რადგან როცა ვლაპარაკობთ განვითარებაზე, ამ გავნითარების სიმბოლო არის ახალციხე, მაგრამ დღეს ახალციხე არის სიმბოლო გაჩერებული განვთარებისა“.

მისი თქმთ, წლების წინ ბევრმა თბილისელმა ახალციხე რუკაზეც კი არ იცოდა სად იყო, „ნაციონალური მოძრაობის“ მიერ ქალაქში განხორციელებული პროექტებისა და აშენებული „ახალციხის ციხის“ შემდეგ კი დედაქალაქში სირცხვილად მიაჩნიათ, თუ ახალციხე ნანახი არ აქვთ: „რაბათის შემდეგ ახალციხე და ახალქალაქი ერთმანეთში აღარ ერევათ“.

რაბათზე საუბრით დაიწყო გამოსვლა სანდრა რულოვსმაც: „ზუგდიდში პერსპექტიული ადგილია „რუხის ციხე“ ქვია. იქ როცა ვიყავით ვთქვით, რომ აქ მეორე რაბათი უნდა ავაშენოთ. რაბათი მისაბაძი, სამაგალითო გახდა“.



რუსლოვსის თქმით, ქვეყანაში წინსვლა და აღმშენებლობა 9 ოქტომბრის შემდეგ უნდა დაიწყოს: „ძალიან ბევრი პროექტი გვაქვს მაცივარში, მათ ვადა 9 ოქტომბრამდე აქვთ, ამის მერე კი უნდა გავაგრძელოთ სკოლების, გზების შენება, გაზიფიცირება“.
„ნაციონალური მოძრაობის“ ლიდერების განცხადებით, მათი მთავარი მიზანი ქვეყანაში სიღარიბის დამარცხება და სამუშაო ადგილების შექმნაა. პარტიის ლიდეტების თქმით, 2017 წლისთვის საქართველოს მასშტაბით 50 000 სამუშაო ადგილი იქნება.

„დეტალური გეგმა გვაქვს, როგორ შევამცირებთ გადასახადებს, ვისაც მცირე ბიზნესი აქვს და 250 ლარზე ნაკლები ბრუნვა აქვს დღეში, ის გათავისუფლდება გადასახადებისაგან. ის ვისაც 500 ლარზე ნაკლები აქვს დღიური ბრუნვა, მხოლოდ ფიქსირებულ სამ პროცენტს გადაიხდის. ეს ნიშნავს იმას, რომ ყველა ეს ადამიანი ფულს სახლში წაიღებს და ამ თანხით მინისტრი არ აიღებს პრემიას“, – აცხადებს ბაქრაძე.

მისივე თქმით, ასევე მნიშვენლობიანია პენსიის გაზრდა და სოციალურად დაუცველებისთვის მოხსნილი დახმარებების აღდგენა.

გამომსვლელებმა საგარო პოლიტიკაზეც ისაუბრეს და განაცხადეს, რომ ყველაზე მთავარი საქართველოსთვის ევრო–ატლანტიკურ სტრუქტურებთან ინტეგრაციაა. მათი თქმით, ქვეყნის განვთარება, ავროპასთან დაახლოებაა.

„ეკონომიკური განვითარების ზრდა არის ის, რომ საქართველოში შემოვიდეს ევროპული ინვესტიცია. „ქართულმა ოცნებამ“ არ იცის ამ მიმართულებით როგორ უნდა იმუშაოს“, – განაცხადა სალომე სამადაშვილმა.

განათლების მიმართულებით „ნაციონალური მოძრაობის“ პროგრამაზე პედაგოგმა მარიამ რამინაშვილმა ისაუბრა. მისი თქმით, პედაგოგის მინიმალური ხელფასი 600 ლარი იქნება. სახელმწიფო კი 5000–მდე გაზრდის ი სტუდენტების ოდენობას, რომლებსაც საზღვარგარეთ სწავლას დაუფინანსებენ: „ასევე ახალციხეში აშენდება ჩვენი დაპირებული მასწავლებლების სახლი, რის შემდეგაც პედაგოგებს თბილისში სიარული აღარ მოუწევთ. გეყოლებათ ისეთი განათლებული შვილები, რომ თქვენ სიბერეს უზრუნველყოფენ“.

„ნაციონალებმა“ ტრიბუნიდან ახალციხის პირველ საჯარო სკოლაში დაუსრულებელ რემონტსა და მეორე საჯარო სკლის კანალიზაციით დატბორილ ეზოზეც ისაუბრეს.

„პირველი სკოლის ბავშვები ისევ ორ სხვა სკოლაში გააგრძელებენ სასწავლო პროცესს. მეორე სკოლასთან კი ამ უნიათო ხელისუფლებამ, ის ვერ შეძლო, რომ კანალიზაცია გაეწმინდათ. ამ სკოლასთან ანტისანიტარიაა.

პარტიის ახალი სახეებისა და ლიდერების გამოსვლა დაახლოებით ერთ საათს გაგრძელდა.





[თამუნა უჩიძე, ახალციხე]