ადიგენის ათ სოფელში გარე განათების ბოძები დამონტაჟდება

ადიგენის სოფლებში: უდეში, ზაზალოში, შოყაში, ქვემო ენთელში, იმერთუბანში, წრეში, იჯარეთში, უტყისუბანში, ფლატეში, არზნესა და დაბა აბასთუმანში გარე განათების ქსელის მოწყობის სამუშაოებზე ტენდერი 2 სექტემბერს გამოცხადდა. დოკუმენტაციის თანახმად:

დაბა აბასთუმანში – გარე განათების ქსელს 9 ახალი ბოძი დაემატება: 3 მათგანი ასათიანის ქუჩაზე (სახანძროს მიმდებარე ტერიტორია), 1 – საბავშვო ბაღის მიმდებარედ, 5 ბოძი კი ,,შირაების ჩიხში“ დაიდგმება.

სოფელ უდეში გარე განათების ქსელი ორ უბანზე მოეწყობა: ,,ზაქორიების“ მიმართულებით, სადაც 12 განათების ბოძი დაიდგმება და ,, მრგვალი გორის“ მიმართულებით, სადაც 17 ბოძი უნდა განთავსდეს.

სოფელ ზაზალოში სოფლის ცენტრალურ გზაზე განათების 12 ბოძი დაიდგმება.

სოფელ შოყაში გარე განათება ორ უბანზე მოეწყობა, პირველ უბანზე – 13, ხოლო მეორე უბანზე 7 ბოძი განთვასდება.

სოფელ ქვემო ენთელში გარე განათების ქსელის გასაგრძელებლად 2 ბოძი დაემატება.

სოფელ იმერთუბანში მოეწყობა 4 ბოძი, 5 ლამპიონით. (ერთი ბოძზე ორი ლამპიონი განთავსდება)

სოფელ წრეში დამონტაჟდება 5 ბოძი, ორ მათგანზე 2 ლამპიონი განთავსდება.

სოფელ იჯარეთში გარე განათების ქსელის მოსაწყობად 34 ბოძი დაიდგმება.

სოფელ უტყისუბანში 5 ბოძი განთავსდება და ახალი ქსელი არსებულ ქსელთან დაერთდება.

სოფელ ფლატეში 3 ბოძი დამონტაჟდება და ახალი ქსელი არსებულ ქსელთან დაერთდება.

სოფელ არზნეში გარე განათების ქსელის გასაგრძელებლად მოეწყობა 7 ბოძი.

გარე განეთების ქსელების მოსაწყობად, ადიგენის გამგეობის ბიუჯეტიდან სულ 51 694 ლარი გამოიყო. ტენდერში გამარჯვებულმა კომპანიამ სამუშაოები ხელშეკრულების გაფორმებიდან დაახლოებით თვე–ნახევარში უნდა დაასრულოს.

[თაკო ფეიქრიშვილი, ადიგენი]