ქვეწარმავლები ‘ახალციხის ტბაზე’ – რას აპირებს ტბის ადმინისტრაცია [Video]

ქალაქის ხელოვნური ტბის კომპლექსში, რომელიც გართობისა და დასვენბის ადგილია და ყოველ საღამოს უამრავი ადამიანი იკრიბება, მათ შორის, ბევრი ბავშვი, ქვეწარმავალი ფეხით მოსიარულეთა ბილიკზე ნახეს. მოქალაქემ ვიდეო გადაიღო და „სამხრეთის კარიბჭეს“ მოაწოდა.

რამდენად უსაფრთხოა ტბის პირას მოქალაქეებისა და ბავშვების ყოფნა და რას აკეთებს ადმინისტრაცია, რომ დასვენება უვნებელი იყოს, ამის გასარკვევად „სამხრეთის კარიბჭე“ ტბის ადმინისტრაციას დაუკავშირდა.

ტბის დირექტორი გაგა ღავთაძე ამბობს, რომ გუშინ მომხდარი შემთხვევის შესახებ არაფერი იცის. მისივე განმარტებით, ტბა თვეში ორჯერ იწამლება.

„თითო–ოროლას ვერ გამოლევ მდინარე გვერდზეა, მდინარის ნაპირსაც ხომ ვერ შეწამლავ?!“,– ამბობს იგი და ამატებს, რომ ტბის ტერიტორიაზე ქვეწარმავალი დაახლოებით 10 დღის წინაც შენიშნეს, – „ტბაში ვერ შედის, შეწამლულია, მაგრამ ხომ იცით როგორი ადგილია და გამოდის“.

ღავთაძე აქვე ამბობს, რომ „ახალციხის ტბის“ შეწამვლას რამდენიმე დღეში აპირებენ და საშიში არაფერია.

თუმცა, ადგილობრივებს, რომლებიც ტბაში საბანაოდ არ შედიან (ამ ტბასე ს დანიშნულება არ აქვს) და ამ კომპლექსს სასეირნოდ და სავარჯიშოდ სტუმრობენ, ტბის დირექტორის სიმშვიდის გაზიარება უჭირთ.



[ვარლამ წიკლაური, ახალციხე]