აბიტურიენტებისათვის შედეგების გასაჩივრების ვადა იწურება

შეფასებისა და გამოცდების ეროვნული ცენტრის ინფორმაციით, აბიტურიენტები ზუსტად საღამოს ექვს საათზე რეიტინგულ სიაში ცვლილების შეტანას ვეღარ შეძლებენ. იქამდე კი შეუძლიათ აირჩიონ, დაამატონ ან შეცვალონ ფაკულტეტი.

ცვლილების განსახორციელებლად მათ ვებგვერდებს www.naec.gov.ge ან online.naec.ge უნდა მიმართონ. ერთიანი ეროვნული გამოცდებისათვის განკუთვნილ ფანჯარაზე დაჭერის შემდეგ კი შესაბამის გრაფაში შეიყვანოთ რეგისტრაციისას მითითებული ელექტრონული ფოსტის მისამართი და ამ ფოსტაზე მიღებული პაროლი.

„ცვლილებების შეტანის შემდეგ, აუცილებლად დააჭირეთ შენახვის ღილაკს, წინააღმდეგ შემთხვევაში ცვლილებები განაცხადში არ აისახება“, – აფრთხილებს გამოცდების ეროვნული ცენტრი აბიტურიენტებს.

შეგახსენებთ, რომ ელექტრონულ განაცხადში მითითებული საგანმანათლებლო პროგრამების რაოდენობა შეზღუდული აღარ არის.

[თაკო ფეიქრიშვილი, ახალციხე]