აბიტურიენტებისთვის პროგრამების შეცვლის ვადა 26 აგვისტოს იწურება

შეფასებისა და გამოცდების ეროვნული ცენტრის ინფორმაციით, აბიტურიენტებმა სასურველ საგანმანათლებლო პროგრამებზე არსებულ კონკურსს და მიღებულ შედეგს კიდევ ერთხელ უნდა გადახედონ და შესაბამისად შეადგინონ პროგრამების საბოლოო პრიორიტეტული ჩამონათვალი.

მათ საშუალება აქვთ შეუზღუდავი რაოდენობით აირჩიონ ის საგანმანათლებლო პროგრამები, რომელთა მოთხოვნებიც მათ მიერ ჩაბარებულ საგნობრივ გამოცდებსა და მიღებულ ქულებს შეესაბამება.

საგანმანათლებლო პროგრამის დამატებისთვის:

- კურსორს აყენებთ იმ პროგრამაზე, რომლის შემდეგაც გსურთ კიდევ ერთი საგანმანათლებლო პროგრამის არჩევა, იყენებთ ღილაკს - „დამატება“;

- წერთ პროგრამის კოდს და კვლავ აძლევთ ბრძანებას - „დამატება“.

საგანმანათლებლო პროგრამის წაშლისთვის:

- კურსორს შესაბამის პროგრამაზე აყენებთ და იყენებთ ღილაკს - „წაშლა“;
- განხორციელებული ცვლილებების შემდეგ ირჩევთ ღილაკს - „შენახვა“ და ეკრანზე ხედავთ შესაბამის შეტყობინებას:
განაცხადში შეტანილი ცვლილებები დამახსოვრებულია!

[sknews.ge]