'ქართული ოცნება' დღეს სამცხე–ჯავახეთში კანდიდატებს დაასახელებს – ქალაქში დილიდან ემზადებიან

მთავარი → სიახლე, პოლიტიკა, არჩევნები 07.08.2016

დღეს, 7 აგვისტოს, "ქართული ოცნება" სამცხე–ჯავახეთის მაჟორიტარ კანდიდატებს წარადგენს. პარტიის თავმჯდომარე გიორგი კვირიკაშვილი მოსახლეობას სიტყვით ახალციხიდან მიმართავს. ქალაქში დილიდან ემზადებიან, მონტაჟდება სცენა, შეზღუდულია ავტომობილებით გადაადგილება.

'ქართული ოცნება' დღეს სამცხე–ჯავახეთში კანდიდატებს დაასახელებს – ქალაქში დილიდან ემზადებიან

ამომრჩეველთან შეხვედრა ახალციხეში, მეხეთის სახელმწიფო დრამატული თეატრის მიმდებარე ტერიტორიაზე გაიმართება. დილიდან თეატრის წინ სცენის სამონტაჟო სამუშაოები მიმდინარებს. ახალციხის ცენტრალური პარკი, სადაც თეატრი მდებარეობს და შეხვედრაა დაგეგმილი, რკინის ღობეებითაა შემოსაზღვრული.

სამზადისის გამო თეატრის მიმდებარე ტერიტორიაზე, რუსთაველის ქუჩაზე ავტომობილების გადააგილება შეზღუდულია, უფრო კონკრეტულად, ჩაკეტილია რუსთაველის ქუჩა მეხუთე სკოლიდან დიდიმამიშვილისა და თამარ მეფის ქუჩების მიმართულებით.

ვინ იქნებიან "ქართული ოცნება-დემოკრატიული საქართველოს" მაჟორიტარობის კანდიდატები სამცხე – ჯავახეთში, სადაც სამი საარჩევნო ოლქია, ამ ეტაპზე უცნობია. კანდიდატებს საღამოს, 8 საათზე დაასახელებენ.

"ქართული ოცნება-დემოკრატიული საქართველოს" მაჟორიტარი დეპუტატობის კანდიდატები უკვე დასახელებულია იმერეთში, სამეგრელოში, გურიაში, მცხეთა-მთიანეთში, შიდა ქართლში, ქვემო ქართლსა და კახეთში.

'ქართული ოცნება' დღეს სამცხე–ჯავახეთში კანდიდატებს დაასახელებს – ქალაქში დილიდან ემზადებიან