„ქართული ოცნება“ ხვალ სამცხე–ჯავახეთში მერობის კანდიდატებს წარადგენს

როგორც პარტიაში ამბობენ, მერობის კანდიდატების წარდგენა ახალციხეში, თამარ მეფის ძეგლის მიმდებარე ტერიტორიაზე, საღამოს 20:00 საათზე გაიმართება.

ვიდრე პრემიერ–მინისტრი მხარდამჭერებს, ექვსი მუნიციპალიტეტის მერობის კანდიდატს წარუდგენს, ღონისძიება ერთი საათით ადრე, ქართული ესტრადის მომღერლების კონცერტით დაიწყება.

„ყველა რეგიონში ჩვენი კანდიდატების წარდგენის წინ კონცერტი იმართება და ახალციხეშიც ასე იქნება“–განმარტავენ „ქართულ ოცნებაში“.

კონცერტი 19:00 საათზე დაიწყება და მასში მონაწილეობას ანრი ჯოხაძე, ნუცა ბუზალაძე, სოფო ხალვაში, სოფო ბედია და ნოდიკო ტატიშვილი მიიღებენ.

შეგახსენებთ, რომ 2017 წლის თვითმმართველობის არჩევნებზე „ქართული ოცნების“ მერობის კანდიდატები არიან: ახალციხეში ზაზა მელიქიძე, ადიგენში ზაქარია ენდელაძე, ასპინძაში როსტომ მაგრაქველიძე, ბორჯომში ლევან ლიპარტია, ახალქალაქში იურიკ უნანიანი და ნინოწმინდაში ანივარდ მოსონიანი.

[sknews.ge]