„ოცნების“ კანდიდატები სამცხე–ჯავახეთში – პრემიერი გვარებს ასახელებს

რეგიონის სამ საარჩევნო ოლქში, მაჟორიტარი დეპუტატობის სამი კანდიდატიდან, სამივე მამაკაცია.

ახალციხე – ადიგენის ოლქში, კანდიდატად ახალციხის მერი, გიორგი კოპაძე დასახელდა;



პარლამენტის ფრაქცია „ქართული ოცნების“ წევრი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე გედევან ფოფხაძე, იქნება კანდიდატი ბორჯომისა და ასპინძის საარჩევნო ოლქში(ასევე, ახალქალაქის 5 თემში);


ნინოწმინდა – ახალქალაქის მაჟორიტარულ ოლქში კი ამომრჩევლების ხმებისთვის „ქართული ოცნებიდან“ ენზელ მკოიანი იბრძოლებს.

შეგახსენებთ, კანდიდატების წარსადგენად დღეს ახალციხეში მზადება დილიდან მიმდინარეობდა. თეატრის წინ მონტაჟდებოდა სცენა, შეზღუდული იყო ქალაქში გადაადგილება.

ხალხის ნაკადმა და "ქართული ოცნების" დროშებიანი მანქანების კოლონებმა ახალციხსკენ მოძრაობა დაახლოებით 18:00 საათიდან დაიწყეს.

„ქართული ოცნება-დემოკრატიული საქართველოს“ მაჟორიტარი დეპუტატობის კანდიდატები უკვე დასახელებულია იმერეთში, სამეგრელოში, გურიაში, მცხეთა-მთიანეთში, შიდა ქართლში, ქვემო ქართლსა და კახეთში.
[sknews.ge]