ლევან იზორიამ მოადგილეები დაასახელა

ნუკრი გელაშვილი თავდაცვის მინისტრის მოადგილე, ლელა ჩიქოვანი კი მინისტრის პირველ მოადგილე იქნება. შესაბამის ბრძანებებს პრემიერ-მინისტრმა გიორგი კვირიკაშვილმა ხელი უკვე მოაწერა.

ნუკრი გელაშვილი შსს-ს პოლიციის აკადემიის რექტორი, ლელა ჩიქოვანი კი - შსს-ს ადმინისტრაციის უფროსი იყო.

ლევან იზორიას განცხადებით, ლელა ჩიქოვანს უსაფრთოხების სფეროში საქმიანობის 18-წლიანი გამოცდილება აქვს, არის ყოფილი სამხედრო ატაშე ბალტიისპირეთის ქვეყნებსა და პოლონეთში, სტრატეგიული დაგეგმვის დეპარტამენტის ყოფილი უფროსი. მინისტრის თქმით, სასაზღვრო პოლიციაში მუშაობის დროს ჩიქოვანის სახელს უკავშირდება არაერთი რეფორმა. ჩიქოვანი ხელმძღვანელობდა შსს-ს ადმინისტრაციას, ბოლო ერთი წელი იყოს სუს-ის ადმინისტრაციის უფროსიც.

რაც შეეხება ნუკრი გელაშვილს, ლევან იზორიას განცხადებით, ის მისი დოქტორანტი იყო: "ერთად განვახორციელეთ საპატრულო პოლიციის რეფორმა და ორივე ვამაყობთ ამით“.

შეგახსენებთ, ლევან იზორია თავდაცვის მინისტრად 1 აგვისტოს დაინიშნა. იქამდე იგი საქართველოს სახელმწიფო უსაფრთხოების სამსახურის უფროსის მოადგილე იყო. იზორიამდე ეს პოზიცია თინა ხიდაშელს ეკავა.

[sknews.ge]