„ნორა“– მესხეთის თეატრში პრემიერაა

ჰენრიკ იბსენის „ნორა“ თბილისელმა რეჟისორმა, გაბრიელ გოშაძემ დადგა. სპექტაკლში მესხეთის თეატრის ხუთი მსახიობი მონაწილეობს.

სპექტაკლი ტყუილზე და ყალბ ურთიერთობებზე მოგითხრობთ. ნორა სპექტაკლის მთავარი გმირია, რომელსაც ქმარი და სამი შვილი ჰყავს. მას ყველაფერია აქვს იმისთვის, რომ ძალიან ბედნიერი იყოს. ერთ დღეს, როდესაც ქმარი ავად გაუხდება, თანხას სხვისგან სესხულებს, ისე, რომ მისმა მეუღლემ არ იცის. მთელი სპექტაკლი ამ სიუჟეტის განვითარებაზეა.

სპექტაკლის მთავარ გმირს, „ნორა“–ს მესხეთის თეატრის მსახიობი ანა ხუბუტია ასრულებს. როგორც თვითონ ამბობს, რეჟისორთან მუშაობა ძალიან საინტერესო იყო.

„ძალიან საინტერესო რეპეტიციები გვქონდა. მგონი კარგი სპექტაკლი გამოგვივიდა. ცოტა გამიჭირდა, რადგან ძალიან ემოციური როლია, თუმცა ახლა ძალიან კმაყოფილი ვარ“, – ამბობს იგი.

მესხეთის თეატრში სპექტაკლი 1 და 3 ოქტომბერს, 19:00 საათზე დაიწყება. ბილეთის ფასი 3,50 ლარია.

[ვარლამ წიკლაური, ახალციხე]