25 პოზიცია და 379 განაცხადი – კონკურსი ახალციხის გამგეობაში

ახალციხის მუნიციპალიტეტის გამგეობის მიერ გამოცხადებულ საჯარო მოხელეთა შესარჩევ კონკურსში მონაწილეობა 194–მა პირმა მიიღო. მათ უფლება ჰქონდათ განაცხადი რამდენიმე პოზიციაზე გაეკეთებინათ. საბოლოოდ, ადგილობრივ თვითმმართველობაში 379 განცხადება დარეგისტრირდა.

კონკურსის პირველი, ანუ საბუთების გადარჩევის ეტაპი 194 პირიდან 134–მა გადალახა. როგორც გამგეობაში განმარტავენ, დოკუმენტების არასრულყოფილად წარდგენის გამო, დისკვალიფიკაცია 60 პირის 140 განაცხადს მიენიჭა.

როდის ჩატარდება კონკურსის მეორე, ტესტირების ეტაპი, ამ დროისთვის, ცნობილი არ არის.

შეგახსენებთ, რომ ახალციხის გამგეობამ 25 პოზიცია ვაკანტურად 2016 წლის 17 მაისს გამოაცხადა. ადგილობრივ თვითმმართველობაში დასაქმების მსურველებს საბუთების შევსება 22 მაისამდე შეეძლოთ.

[თაკო ფეიქრიშვილი, ახალციხე]