ინგლისური ენის მასწავლებელთა კონფერენცია

დღეს, 28 მაისს, ახალციხეში, სამცხე-ჯავახეთის სკოლების ინგლისური ენის მასწავლებლებისთვი კონფერენცია ჩატარდა. კონფერენცია სამცხე-ჯავახეთის სახელმწიფო უნივერსიტეტისა და საქართველოს ინგლისური ენის მასწავლებელთა ასოციაციის ორგანიზებით (ETAG) გაიმართა.

კონფერენციას შეფასებისა და გამოცდების ეროვნული ცენტრის, მასწავლებელთა პროფესიული განვითარების ეროვნული ცენტრის, აშშ-ს მშვიდობის კორპუსის მოხალისეთა ჯგუფის და ახალციხის რესურსცენტრის წარმომადგენლები დაესწრნენ.

კონფერენციაზე, რომელიც სამ-სამ სესიად გაიმართა, ყურადღება მასწავლებლის კვალიფიკაციის ამაღლებასა და სწავლების ეფექტურობის გაზრდაზე გამახვილდა.

„პედაგოგებს ვესუბრე იმ ახალ ფორმატზე, რომლითაც წელს გამოცდის ჩაარება მოუწევთ. ეს არის ნახევრად ელექტრონული ფორმატი, რაც მათთვის სიახლეა და ვარჯიში ნამდვილად მოუწევთ“, - ამბობს უცხო ენების ჯგუფის ხელმძღვანელი, შეფასებისა და გამოცდების ეროვნული ცენტრისა და ინგლისური ენის მასწავლებელთა ასოციაციის წარმომადგენელი რუსუდან ტყემელაძე.

მასწავლებელთა პროფესიული განვითარების ეროვნული ცენტრის, ინგლისური ენის ექსპერტ -კონსულტანტის ნონა პოპიაშვილის თქმით, ინგლისური ენის პედაგოებისთვის შეიქმნა ახალი სატრენინგო პროგრამა, რომლიც დახმარება მათ 8 ივლისს დაგეგმილი გამოცდის ჩაბარებაში.

„კარიერული წინსვლისა და მომზადების სქემის იმპლემენტაცია მიდის და ამ ეტაპზე საქართველოში ყველა მასწავლებელი ამ კატეგორიების მიხედვით არის გადანაწილებული. უმეტესობა არის პრაქტიკოსი მასწავლებელი, გვყავს მცირე ნაწილი უფროსი მასწავლებლის, კიდევ უფრო ცოტა წამყვანი და ჯერ არ გვყავს მენტორი მასწავლებელი. მასწავლებლებს მიეცემათ საშუალება, რომ ერთი კატეგორიიდან მეორეში გადაინაცვლონ შესაბამისი აქტივიობების განხორციელებისა და შიდა დაკვირვების შემდეგ. ეს ყველაფერთან ერთად მათ ხელფასზე აისახება“, - ამოს ნონა პოპიაშვილი.

დღევანდელი კონფერენცია სამცხე-ჯავახეთის სახელმწიფო უნივერსიტეტში ამერიკის საელჩოს დაფინანსებით გაიმართა.
„პროგრამის „პატრნიორები განათლებაში“ ფარგლებში, აშშ–ი ვიყავი. ამერიკის საელჩომ გამოაცხადა გრანტი, მივიღეთ მონაწილეობა და ამ გრანტის მოპოვების შემდეგ შედგა ეს შეხვედრა. ტექნოლოგიების საუკუნეა და გადავწყვიტეთ ტექნოლოგიებზე ყოფილყო კონფერენცია. როგორ უნდა გამოიყენოს მასწავლებელმა კლასში ტექნოლოგიები, რომ მიაღიწოს წარმატებას გაკვეთილზე“, - ამბობს უნივერსიტეტის ასოცირებული პროფესორი, ETAG-ს წარმომადგენელი გულიკო ჯანოვა.

საქართველოს ინგლისური ენის მასწავლებელთა ასოციაციის (ETAG) კაბინეტი, სამცხე-ჯავახეთის სახელმწიფო უნივერსიტეტში წლებია არსეობს, სადაც ინგლისური ენის პედაგოგებს შეუძლიათ უნივერიტეტთან თანამშრომლობით კვალიფიკაცია აიმაღლონ.



[თინათინ ზაზაძე ახალციხე]