აკრძალული მედიკამენტების შემოტანის ფაქტი ვალის საბაჟოზე

საბაჟო გამშვები პუნქტის, „ვალეს“, კონტროლის ზონაში, ეჭვის ნიადაგზე ბრაზილიის მოქალაქის კუთვნილი ბარგი შემოწმდა. რის შედეგადაც, მებაჟე ოფიცრებმა 13 აბი ნარკოტიკული ნივთიერების შემცველი მედიკამენტი ACETAMINOPHEN CODEINE აღმოაჩინეს. საქმე შემდგომი რეაგირებისათვის შსს ადიგენის რაიონულ სამმართველოს გადაეცა.

„ვალეს“ კონტროლის ზონაში, ნარკოტიკული ნივთიერებების ამოღების კიდევ ერთი შემთხვევა დაფიქსირდა, სადაც ირანის ისლამური რესპუბლიკის მოქალაქეს ნარკოტიკული ნივთიერების შემცველი მედიკამენტი SUBUTEX - 3 აბი ხელბარგში აღმოაჩნდა.
იმავე დღეს, 10 აბი ნარკოტიკული ნივთიერების შემცველი მედიკამენტი ACETAMINOPHEN KODEIN იყო ნაპოვნი ირანის ისლამური რესპუბლიკის მოქალაქეს კუთვნილ ხელბარგშიც.

ორივე საქმე შემდგომი რეაგირების მიზნით გადაეცა სამცხე-ჯავახეთის პოლიციის დეპარტამენტს.

[თაკო ფეიქრიშვილი, ახალციხე]