მესხი სპორტსმენები ტაეკვანდოს ტურნირიდან მედლებით დაბრუნდნენ

ივანე კოსინენკოს სახელობის ზესტაფონის მეორე ღია ტურნირში 14 წლის მედეა ლაბაძემ მეორე ადგილი, ხოლო გიორგი მაისურაძემ, დავით მაისურაძემ და ბექა გასიტაშვილმა მესამე ადგილები დაიკავეს.

ქვეყნის მასშტაბით გამართულ ღია პირველობაზე ახალციხის თემის სოფლებიდან 10 ახალგაზრდა მონაწილეობდა. მათ ქვეყნის 220-მდე სპორტსმენს შორის იასპარეზეს. გამარჯვებულებს მედლები და სიგელები გადაეცათ.

ტურნირს ორგანიზება ზესტაფონის მუნიციპალიტეტის გამგეობამ და საქართველოს ტაეკვონდოს ფედერაციამ გაუწია.

[sknews.ge]