ახალციხეში ქარმა ხე მოტეხა [Photo]

შემთხვევა დღეს, 16 აპრილს მოხდა. ვინაიდან დასვენების დღეა, სკოლაში მხოლოდ დარაჯი, ემზარ ბიბიჩაძე იმყოფებოდა. იგი შემთხვევას შეესწრო.

"დაახლოებით 4–5 საათი იქნებოდა, ქარმა გადატეხა. ხის ნაწილი ცოტა დაფუტურებული იყო და მგონია, რომ ამიტომ მოტყდა. დირექტორს ვაცნობე და თქვა, რომ ზომებს მიიღებს", – ამბობს სკოლის დარაჯი.

ახალციხეში ქარი მთელი დღის განმავლობაში ქროდა, თუმცა, საშუალო სიძლიერის. დარაჯის თქმით, რადგან ხე უკვე ასაკიანი და სანახევროდ გამხმარი იყო, ამიტომ ვერ გაუძლო ქარს.

სკოლის დირექტორის, ბელა დისამაძის განმარტებით, მან მომხდარის შესახებ უკვე აცნობა ქალაქის მერიას.

"ხვალ მოვლენ, ამ ხეს გაიტანენ და სხვა ხეებსაც შეამოწმებენ", – ამბობს სკოლის დირექტორი.








[თამუნა უჩიძე, მარიამ ბარძიმაძე, ახალციხე]