ახალციხეში ქვეითად მოსიარულე ქალს ავტომანქანა დაეჯახა

შემთხვევა დღის 14:00 საათზე, ახალციხის ცენტრალურ პარკთან მოხდა. ქალს მანქანა გზაზე გადასვლის დროს დაეჯახა.

როგორც თვითმხილველები ამბობენ, ავტომანქანა სავარაუდოდ მუქი ფერის „ოპელი“ იყო: „დიდი სისწრაფით მოდიოდა, ქალს მკლავზე დაარტყა და გაიქცა. დარტყმის პერიოდში ქალი რამდენჯერმე შემოტრიალდა, თუმცა არ წაქცეულა“.

სასწრაფო–სამედიცინო დახმარების სამსახური შემთხვევის ერთ–ერთმა თვითმხილველმა გამოიძახა. ექიმებმა დაზარალებულს დახმარება ადგილზე აღმოუჩინეს, როგორც მათ განაცხადეს, ქალს მარჯვენა მკლავზე მსუბუქი ტრავმა აქვს.

70–წალმდე ქალი ადგილობრივია.

საქართველოს შინაგან საქმეთა სამინისტროს ინფორმაციით, ავტომობილის მძღოლის დადგენა–დაკავების მიზნით საგამოძიებო მოქმედებები მიმდინარეობს და იშიფრება ადგილზე დამონტაჟებული გარე სათვალთვალო კამერების ჩანაწერებიც.





[ლუბა გიორგაძე, ახალციხე]