კოლეჯ ”ოპიზარში” კომპოსტის ყუთი დაიდგა

გარემოსდაცვითი კავშირი ”სამყაროს” პროექტი ”ნარჩენების მეორადი გადამუშავება, 3R პრინციპის გატარება და პოპულარიზაცია” მიმდინარე წელს დაიწყო. პროექტი, რომელიც ტაივანის მთავრობამ დააფინანსა მიზნად ისახავს ახალცგაზრდების აქტიურ ჩართვას გარემოსდაცვით საკითხებში.

აღნიშნული პროექტის ფარგლებში ახალციხის პროეფესიული კოლეჯის ტერიტორიაზე კომპოსტის ყუთი დაიდგა.

- ”კომპოსტის გარეშე ბიოლოგიური პროდუქტის მოყვანა და წარმოება წარმოუდგენელია. გარდა ამისა, ეს ერთ-ერთი მეთოდია მწვანე მასის ნარჩენები ბიოლოგიურად აქტიურ ნივთიერებად გადამუშავდეს. რომლებიც ნაკვეთს სასუქით ამდიდრებენ”, - განმარტავს პროექტის აგრო-კონსულტანტი ზურა სადათიერაშვილი და ამატებს, რომ კომპოსტირება მთელს მსოფლიოში აღიარებული მეთოდია.

კომპოსტირება ძირითადად გაზაფხული-ზაფხულის პერიოდში ხდება და ორგანული ნარჩენი დაახლოებით რვა თვის განმავლობაში გადამუშავდება სასუქად.

- ”კომპოსტირდება თითქმის ყველაფერი, არასასურველია, რომ ყუთსი მოხვდეს შხამიანი მცენარეები. არ კომპოსტირდება პლასტმასი და ასე შემდეგ. დანარჩენი ნებისმიერი ორგანული მასა, ფოთოლი, სარეველა იშლება კომპოსტში”, - განმარტავს ზურა სადათიერაშვილი.

გარდა პროფესიული კოლეჯისა, პროექტის ფარგლებში კომპოსტის ყუთი კიდევ ორ სხვა ადგილას დაიდგმება.

- ”ერთი კომპოსტის ყუთი სკოლაში, ხოლო მეორე ერთ-ერთი ფერმერის სახლში განთავსდება, რადგან რაც შეიძლება მეტი მიზნობრივი ჯგუფი მოვიცვათ. დღეს ერთ-ერთი მიზნობრივი ჯგუფი ავირჩიეთ კოლეჯი ”ოპიზარი”, აქ მოსწავლეები სხვადასხვა სპეციალობას, მათ შორის სოფლის მეურნების მიმართულებას გადიან, ეს არის ვეტერინარია, წამლის გადამუშავება და ასე შემდეგ, სადაც მეტ-ნაკლებად იყეებენ ასეთი ტიპის ნარჩენებს”, - განმატრავს გარემოსდაცვითი კავშირი ”სამყაროს” დირექტორი ნანა ზუბაშვილი.

კოლეჯ ”ოპიზარის” სამკურნალო მცენარეების მოვლა-მოყვანის პედაგიგი ლინა გიორგაძე აღნიშნავს, რომ სამკურნალო მცენარეების მოყვანისას აუცილებელია ბიოლოგიურად სუფთა პროდუქტის გამოყენება.

- ”სამკურნალო მცენარეებთან დაკავშირებით მნიშვნელოვანია ბიო-სასუქები, კომპოსტი. სამკურნალო მცენარე ჯობია ბიუოლოგიურად სუფთა პროდუქტით მოვიყვანოთ, ვიდრე ქიმიური პრეპარატებით. რადგან ბიო-პროდუქტები არანაირ უკუჩვენებას არ იძლევა. მინერალური სასუქები კი გარკვეული პროცენტით, დოზირებულად უნდა იქნას შტანილი, რომ რაიმე დარღვევას არ ჰქონდეს ადგილი”, - ამბობს ლინა გიორგაძე.

გარდა ამისა, პროექტის ფარგლებში თორმეტი მოსწავლე გადამზადდა, რომლებიც სკოლებში უფროსი კლასის მოსწავლეებს ტრენინგებს ჩაუტარებენ. რომელიც მყარი ნარჩენების მაორად გამოყენებას ეხება.

[თამარ თოთაძე, ახალციხე]