უდესა და არალს მეორე დღეა ელექტროენერგია არ მიეწოდება

უდესა და არალში შუქი მოერე დღეა არ არის. ელექტროენერგიის მიწოდება გუშინ, 25 მარტს, დაახლოებით 18:00 საათზე შეწყდა.

„ოთხი იზოლატორი დაზიანდა და ოთხივე შეცვალეს. არ ვიცით რატომ გაფუჭდა“, – ამბობენ „ენერგო–პრო–ჯორჯიას“ საზოგადოებასთან ურთიერთობის სამსახურში.

მათივე განცხადებით, შუქის გათიშვის მიზეზი მხოლოდ ეს არაა: „კიდევ არის ერთი დაზიანება სადღაც. ვიზულაურად არ ჩანს და სათითაოდ ადიან საყრდენებზე და ისე ამოწმებენ. ახლა შესამოწმებელი მხოლოდ 30 საყრდენი დარჩა. მთავარია დაზიანებას მიაგნონ და მერე შუქი მალევე ჩაირთვება“.

როგორც „ენერგო–პრო–ჯორჯიაში“ აცხადებენ, ელექტროენერგიის მიწოდბა დღეს, საღამომდე აღდგება.

[თამუნა უჩიძე, ადიგენი]