უდესა და არალში დენი ავარიულად გამოირთო

ელექტროენერგია სოფლებში უდესა და არალში დაახლოებით 16:00 საათზე გაითიშა. ადგილობრივები ამბობენ, დასახლებებში ძლიერი ქარი იყო: „ქარი ამოვარდა და დენიც გაითიშა. მას შემდეგ ველოდებით ელექტროენერგიას“.

ენერგო-პრო ჯორჯიაში ამბობენ, რომ დასახლებების ნაწილში დენის მიწოდება უკვე აღდგა, ნაწილის ჩართვა კი ჯერ ვერ მოხერხდა:

„ავარიული გამორთვა იყო, უდეში უკვე ჩაირთო, მაგრამ ქვესადგურ „არალის“ ფიდერი ვერ ჩართეს. იმიტომ, რომ არკვევენ სად არის დაზიანება. უახლოეს მომავალში ჩაირთვება, ზუსტად ვერ გეტყვით დროს, იმიტომ რომ მიმდინარეობს სამუშაოები“, - აცხადებენ ენერგო-პროში.

[თაკო ფეიქრიშვილი, ადიგენი]