გიგლა აგულაშვილის ვიზიტი სამცხე–ჯავახეთში

საქართველოს გარემოსა და ბუნებრივი რესურსების დაცვის მინისტრი სამცხე–ჯავახეთში გუშინ, 22 მარტს იმყოფებოდა.

ქალაქ ბორჯომში გამართული შეხვედრა ინტერაქტიულ რეჟიმში მიმდინარეობდა. მხარეებმა გარემოსდაცვით სფეროში არსებული აქტუალური საკითხები და მათი გადაჭრის გზები განიხილეს. საუბრის მთავარი თემა ხე-ტყის და წიაღის მოპოვებასთან დაკავშირებული რეგულაციები, ტყეკაფებამდე მისასვლელი გზების მოწყობა-რეაბილიტაცია და სოციალურ ჭრებთან დაკავშირებული პროცედურების უფრო მეტად გამარტივება იყო.

ბორჯომის შემდეგ მინისტრი ადიგენის მუნიციპალიტეტს ეწვია. გიგლა აგულაშვილი თვითმმართველობის წარმომადგენლებთან ერთად ადგილობრივ მოსახლეობასაც შეხვდა.

მსგავსი ტიპის შეხვედრებს მინისტრი მოსახლეობასთან საქართველოს სხვადასხვა რეგიონში გამართავს.



[sknews.ge]