რაბათში ისტორიული აბანოების გაწმენდითი სამუშაოები დასრულდა

ქალებისა და კაცების საბანაო დარბაზები მიწისა და ჩახერგილობებისაგან გაიწმინდა. აღნიშნული სამუშაოები არქეოლოგის თანდასწრებით ჩატარდა.

„რთული სამუშაოები ჩავატარეთ, გაიწმინდა აბანოს შიდა ინტერიერი, რომელიც მიწისგან იყო დაფარული დაახლოებით ერთი მეტრის სიმაღლეზე, ტერიტორია გაიწმინდა ბალახებისა და ხეებისგანაც“ - აცხადებს ტენდერში გამარჯვებული კომპანია "ჭულეს" ხელმძღვანელი სპარტაკ ჯვარიძე.

აბანოს შიდა ინტერიერის გაწმენდვის გარდა, დროებით გადახურეს ჩამონგრეული გუმბათიც.

დასრულებული სამუშაოები დღეს, 25 თებერვალს ახალციხის მერის მოადგილემ ზაზა გელაძემ და ინფრასტრუქტურის სამსახურის თანამშრომლებმა მოინახულეს.

ისტორიული აბანოების გაწმენდითი სამუშაოებისთვის 34 182 ლარი დაიხარჯა.

კულტურული მემკვიდრეობის დაცვის ეროვნული სააგენტო მიმდინარე წლის ბოლომდე ისტორიული აბანოების რესტავრაციას დაიწყებს.



[sknews.ge]