ახალციხის ბაზრის დირექტორი ნოდარ გოროხოვი გარდაიცვალა

როგორც ოჯახის ახლობლები აცხადებენ, ნოდარ გოროხოვი გულის შეტევით გარდაიცვალა. ბოლო პერიოდში მას გული აწუხებდა, დღეს დილით კი ინფარქტი მიიღო და სახლშივე გარდაიცალა.

შპს "სავაჭრო ცენტრ ახალციხეს" დირექტორად ნოდარ გოროხოვი 2014 წლის სექტემბერში დაინიშნა. წლების განმავლობაში მუშაობდა სხვადასხვა წამყვან პოზიციებზე. მათ შორის: 2012 წლის აგვისტოდან, გახსნის დღიდან იმავე წლის დეკემბრამდე, ახალციხის ციხის დირექტორი იყო. მანამდე 5 წლის განმავლობაში სამცხე–ჯავახეთის უნივერსიტეტში ადმინისტრაციას ხელმძღვანელობდა.

2000 წლამდე, სამი წლის განმავლობაში, ახალციხის მუნიციპალიტეტის გამგებლის მოადგილედ მუშაობდა. იქამდე კი, 4 წელი, ენერგოკომპანიის ახალციხის ფილიალში სამი წელი ხელძღვანელი, ერთი წელი კი მოადგილე იყო.

ნოდარ გოროხოვს მეუღლე, ორი შვილი და ოთხი შვილიშვილი დარჩა.

[sknews.ge]