ბორჯომში 35 წლის პოლიციელი ჩამომხრჩვალი ნახეს

შემთხვევა ეგრეთ წოდებულ ფაფის დასახლებაში მოხდა. ახალგაზრდა პოლიციელი საცხოვრებლის ეზოში, ჩამომხრჩვალი, მეუღლემ ნახა.
35 წლის ზ.ლ. შინაგან საქმეთა სამინისტროს ბორჯომის რაიონულ განყოფილებაში, უბნის ინსპექტორ-გამომძიებლად მუშაობდა.

უწყებაში ამბობენ, რომ მომხდარზე ძიება სისხლის სამართლის კოდექსის 115–ე მუხლით დაიწყო, რაც თვითმკვლელობამდე მიყვაბას გულისხმობს.

როგორც ბორჯომში, ადგილობრივები ამბობენ, გარდაცვლილის ოჯახს, ბორჯომის ცენტრალურ ნაწილში, მაღზია აქვს და ოჯახს ფინანსური პრობლემები არ აქვს. აქვე, ვრცელდება ინფორმაცია, რომ გარდაცვლილი აზარტული თამაშებით იყო გატაცებული.

35 წლის პოლიციელს მეუღლე და ორი მცირეწლოვანი შვილი დარჩა.

[sknews.ge]