შალვა აბულაძის კაფეს მეორედ გაუჩნდა ცეცხლი

შემთხვევა დღეს, 24 დეკემბერს, გამთენიისას მოხდა. კაფე „1+2“ ბორჯომში, 9 აპრილის ქუჩაზე მდებარეობს. გასულ წელს კაფეს შალვა აბულაძე ამუშავებდა, მისი დაკავების შემდეგ კი კაფე მისმა მეგობარმა შეიძინა და ამჟამად ის ამუშავებს.

ტელეკომპანია „ბორჯომის“ ინფორმაციით, კაფეში 5 კვადრატული მეტრი ფართია დამწვარი.

საქართველოს შინაგან საქმეთა სამინისტრის ინფორმაციით, მომხდარზე ძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანება/განადგურებას გულისხმობს.

შეგახსენებთ, რომ ამავე კაფეში ხანძარი წელს მეორედ გაჩნდა. პირველად კაფე ისევ ნაწილობრივ, 2015 წლის 7 აპრილს დაიწვა, 3 დღეში მას შემდეგ, რაც შსს–მ შალვა აბულაძეზე ძებნა გამოაცხადა.

[ვარლამ წიკლაური, ბორჯომი]