'ხმა ამოიღეთ'! – ფილმის ჩვენება და დისკუსია ახალციხეში

ღონისძიება იმართება ქალთა და გოგონათა მიმართ ძალადობის წინააღმდეგ დაწყებული 16–დღიანი კამპანიის ფარგლებში – „ფორთოხლისფერი მსოფლიო - შეწყვიტე ძალადობა ქალებისა და გოგონების მიმართ!“ ეს აქცია მთელი მსოფლიოს მასშტაბით იმართება 25 ნოემბრიდან 10 დეკემბრის ჩათვლით.

ფილმის „ხმა ამოიღეთ“ ჩვენება 45 წუთს გასტანს, ამის შემდეგ დისკუსია დაიწყება, რომელიც დაახლოებით ამდენივე დროს გაგრძელდება.

ღონისძიების ორგანიზატორია ადგილობრივი თვითმმართველობა - მუნიციპალიტეტი (მუნიციპალიტეტის გენდერული მრჩეველი და „ქალთა ოთახი“). ღონისძიების მხარდამჭერები არიან: შვეიცარიის განვითარებისა და თანამშრომლობის სააგენტო (SDC), „მცირე კავკასიის ალიანების პროგრამა“ და მერსი ქორფსი. ღონისძიების ფასილიტატორია ახალციხის გენდერის მედიაცენტრი.

ფილმის ჩვენებასა და დისკუსიაზე დასწრება ნებისმიერ მსურველს შეუძლია.

მონაწილეები უერთდებიან აქციას „ფორთოხლისფერი მსოფლიო“. მონაწილეებს დაურიგდებათ A5 ფორმატის ცარიელი ფურცლები, საღებავები და მარკერები. ისინი ფურცლებზე დაწერენ საკუთარ პოზიციას, გააფორმებენ ხელის პრინტებით და გადაიღებენ ფოტოებს, რომელიც შემდეგ აიტვირთება სოციალურ ქსელში - 30 წუთი.

"ხმა ამოიღეთ" ზურა ინაშვილის ფილმია, რომელიც საქართველოს კინემატოგრაფიის ეროვნული ცენტრის კონკურსის საფუძველზე შეიქმნა. „ხმა
ამოიღეთ“ არის დოკუმენტური ფილმი ქალთა მიმართ ძალადობაზე. ფილმი რეალურ ამბებზე, რეალურ თავგადასავლებზე მოგვითხრობს.
"ხმა ამოიღეთ" გაეროს ერთობლივი პროგრამის "გენდერული თანასწორობის ხელშეწყობისთვის საქართველოში" ფარგლებშია გადაღებული.

ქალთა და გოგონათა მიმართ ძალადობის წინააღმდეგ დაწყებული 16–დღიანი კამპანიის ფარგლებში იგივე ფილმს ადიგენსა და ასპინძაშიც აჩვენებენ. ადიგენში ფილმის ჩვენება სამშაბათს, 8 დეკემბერს, 14:00 საათზე, ასპინძაში კი ოთხშაბათს, 9 დეკემბერს, 15:00 საათზე, გამგეობების შენობებში შედგება.

[ნინო ნარიმანიშვილი, ახალციხე]