ბორჯომსა და ახალციხეში ხე–ტყის უკანონო ტრანსპორტირების ფაქტები და უკანონოდ მოქმედი სახერხი საამქროები აღმოაჩინეს

მთავარი → სამართალი 02.11.2015

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ბორჯომის მუნიციპალიტეტში სახერხ-საამქროს რეგლამენტის დარღვევის ორი ფაქტი გამოავლინეს. ასევე უკანონო ხე–ტყის ტრანსპორტირების ფაქტები გამოავლინეს ახალციხესა და ბორჯომში.

ბორჯომსა და ახალციხეში ხე–ტყის უკანონო ტრანსპორტირების ფაქტები და უკანონოდ მოქმედი სახერხი საამქროები აღმოაჩინეს

უკანონოდ მოქმედი სახერხი საამქროები აღმოჩენილი იქნა ბორჯომის მუნიციპალიტეტის სოფლებში: ჭობისხევსა და რველში. ასევე, სოფელ ჭობისხევში ნანახი საამქროს ტერიტორიაზე იყო განთავსებული პირველადი გადამუშავების პროდუქტი ფიცარი.

განხორციელდა სახერხი საამქროების დემონტაჟი, რის შემდეგაც ისინი გადაიტანეს ფინანსთა სამინისტროს მომსახურების სააგენტოში.

ახალციხის რაიონის სოფელ აწყურსა და ქალაქ ბორჯომში კი გადამოწმების მიზნით გაჩერებული მიკროავტობუსების ძარაზე აღმოჩნდა უკანონოდ მოპოვებული ხე-ტყე და პირველადი გადამუშავების პროდუქტი ფიცარი.
შედგა შესაბამისი ოქმები.

აღნიშნული ავტომანქანები გადაყვანილი იქნა ფინანსთა სამინისტროს მომსახურების სააგენტოში.
ბორჯომსა და ახალციხეში ხე–ტყის უკანონო ტრანსპორტირების ფაქტები და უკანონოდ მოქმედი სახერხი საამქროები აღმოაჩინეს