ადიგენსა და ბორჯომში უკანონოდ მოპოვებული მრგვალი მორი და ფიცარი აღმოაჩინეს

გარემოსდაცვითი ზედამხედველობის დეპარტამენტის ინფორმაციით, სამცხე-ჯავახეთის სამმართველოს თანამშრომლებმა, ადიგენის მუნიციპალიტეტის სოფელ ჩორჩანში რეგისტრირებული სახერხი საამქროს ტერიტორიაზე უკანონოდ მოპოვებული მრგვალი მორი აღმოაჩინეს. ასევე უკანონოდ მოპოვებული ხე-ტყე იქნა ნანახი ამავე სახერხი საამქროს ტერიტორიაზე გაჩერებული სატვირთო ავტომანქანის ძარაზეც.

აღნიშნული სახერხი სამქრო დაილუქა და შედგა შესაბამისი აქტი.

ასევე ადიგენის მუნიციპალიტეტის სოფელ გომაროში უკანონოდ მოპოვებული მრგვალი მორი აღმოაჩინეს. სამართალდამრღვევის ვინაობა დაუდგენელია. შედგენილია შესაბამისი აქტი.

სამართალდარღვევის ფაქტი გამოავლინეს ქალაქ ბორჯომშიც, სადაც გადამოწმების მიზნით გაჩერებული მიკროავტობუსის ძარაზე აღმოჩნდა პირველადი გადამუშავების პროდუქტი ფიცარი. დადგინდა, რომ მძღოლი ტრანსპორტირებას ახორციელებდა შესაბამისი დოკუმენტაციის გარეშე.
აღნიშნული მიკროავტობუსი დაილუქა და გადაყვანილი იქნა ფინანსთა სამინისტროს მომსახურების სააგენტოში.

[sknews.ge]