ბორჯომსა და ადიგენში უკანონოდ მოქმედი სახერხი და მრგვალი მორი აღმოაჩინეს

გარემოსდაცვითი ზედამხედველობის დეპარტამენტის ინფორმაციით, სამცხე-ჯავახეთის სამმართველოს თანამშრომლებმა ბორჯომისა და ადიგენის მუნიციპალიტეტებში სახერხ-საამქროს რეგლამენტით გათვალისწინებული წესების დარღვევის სამი ფაქტი გამოავლინეს.

დეპარტამენტში განმარტავენ, რომ ბორჯომის მუნიციპალიტეტის სოფელ ახალდაბაში რეგისტრირებული სახერხი სამქროს ტერიტორიაზე ნაპოვნი იქნა უკანონოდ მოპოვებული მრგვალი მორი. აღნიშნული სახერხი საამქრო დაილუქა.

ამავე მუნიციპალიტეტში, სოფელ ყვიბისში ნანახი იქნა უკანონო სახერხი დაშლილ მდგომარეობაში, სადაც განთავსებული იყო პირველადი გადამუშავების პროდუქტი ფიცარი. დანადგარი და ფიცარი კანონის შესაბამისად გადაიტანეს ფინანსთა სამინისტროს მომსახურების სააგენტოში.

ასევე, ბორჯომის მუნიციპალიტეტის სოფელ დაბაში ერთ-ერთი საცხოვრებელი სახლის სათავსოში, უკანონოდ მოპოვებული 3 მ- 5 მ სიგრძის მრგვალი მორები აღმოაჩინეს. სამართალდარღვევის ფაქტზე შედგა შესაბამისი აქტი.

კიდევ ერთი ფაქტი ადიგენის მუნიციპალიტეტის სოფელ ზედუბანში გამოვლინდა. მოქალაქეს საცხოვრებელი სახლის ეზოში ჰქონდა განთავსებული სახერხი საამქრო, სადაც აღმოჩენილი იქნა პირველადი გადამუშავების პროდუქტი ფიცარი და უკანონოდ მოპოვებული მრგვალი მორი. განხორციელდა სახერხი საამქროს დემონტაჟი და გადატანილ იქნა ფინანსთა სამინისტროს მომსახურების სააგენტოში.

[sknews.ge]