ბორჯომის ცენტრალური პარკის დირექტორად ლევან ცინცქალაძე დაინიშნა

ბორჯომის ცენტრალურ–ისტორიულ პარკს ახალი დირექტორი ჰყავს. პროფესიით ეკონომისტი ლევან ცინცქალაძე აქამდე კვების ობიექტებს კურირებდა.

ლევან ცინცქალაძე ამბობს, რომ ბორჯომის პარკს კარგად იცნობს და სამომავლო გეგმებზეც საუბრობს.

განახლდება სკამები, რადგან როცა ხალხმრავლობაა სკამები არ ყოფნის. ასევე გვინდა გახმოვანება გავაკეთოთ, რომ ყველაგან თანამბრად ისმოდეს მუსიკა. გარდა ამისა, ჩემი სურვილია, რომ მოვაწყოთ საესტრადო ადგილი, ავაშენოთ სცენა, სადაც ყოველ საღამოს გაიმართება კონცერტები. მწყობრში უნდა მოვიყვანოთ ყველა ატრაქციონი და დაგეგმილია კიდევ რამდენიმე ისეთი ატრაქციონის შეძენა, რომელიც არამარტო ბავშვებისთვის, დიდებისთვისაც საინტერესო იქნება", – ამბობს ლევან ცინცქალაძე.

ბორჯომის ცენტრალური–ისტორიული პარკის ახალი ხელმძღვანელი საკადრო ცვლილებებს არ გეგმავს.

"პირიქით უნდა დავიმატოთ კადრები, გვჭირდება მუშა ხელი, განათლებული სპეციალისტები", – ამბობს იგი.

[თამარ თოთაძე, ბორჯომი]