ბორჯომში, კლდიდან გადმოვარდნილი და გარდაცვლილი მამაკაცის ვინაობა ცნობილია

იგი ბორჯომის ერთ–ერთი სასტუმროს, მეპატრონეა. გარდაცვლილი ბორჯომში ცხოვრობდა. მას მეუღლე და სამი შვილი ჰყავს.

შეგახსენებთ, შემთხვევა დღეს, 8 ოქტომბერს, დილით მოხდა. სავარაუდოდ, გარდაცვლილს კლდეზე ფეხი დაუცდა და გადმოვარდა. სამაშველო სამსახურმა მამაკაცი გარდაცვლილი იპოვა.

„შემთხვევის ადგილზე მაშველ ჯგუფთან ერთად გამოვედით და მამაკაცი სამწუხაროდ გარდაცვლილი იქვე ვიპოვეთ. კომპოზიტორების სანატორიუმის მიმდებარე ტერიტორიიდან, კლდის პირიდან, სავარაუდოდ გადმოიხედა, სველი იყო, დაუცურდა ფეხი და გადმოვარდა, ამას გამოძიება დაადგენს“, – ამბობს ბორჯომის საგანგებო სიტუაციების მართვის სამსახურის უფროსის მოადგილე ლევან ხუციშვილი.
გარდაცვლილი მამაკაცი ბორჯომის პროზექტურაშია გადასვენებული.

საქართველოს შინაგან საქმეთა სამინისტროს ინფორმაციით, მომხდარზე დაწყებულია გამოძიება სისხლის სამართლის კოდექსის 115–ე მუხლით, რაც გულისხმობს თვითმკვლელობამდე ან თვითმკვლელობის ცდამდე მიყვანას მსხვერპლისადმი მუქარით ან სასტიკი მოპყრობით ანდა მისი პატივის ან ღირსების სისტემატური დამცირებით,- ისჯება თავისუფლების შეზღუდვით ვადით სამ წლამდე ან თავისუფლების
აღკვეთით ვადით ორიდან ოთხ წლამდე.

[თინათინ ზაზაძე, ნინო ნარიმანიშვილი, ბორჯომი]