ქალაქ ბორჯომში, მტკვარში მამაკაცი დაიხრჩო

შემთხვევა დღეს, 30 აპრილს, დაახლოებით 15:00 საათზე მოხდა.

ერთ–ერთი თვითმხილველის თქმით, მან ე.წ. სილამაზის ხიდიდან დაინახა მამაკაცი, რომელიც წყალს მიჰქონდა და დასახმარებლად შესაბამის სამსახურებს დაუკავშირდა.

„დავუძახე, მოგეშშველებიან ნუ გეშინია მეთქი და სასწრაფოს დაუვურეკე“,–ამბობს ტელეკომპანია „ბორჯომთან“ საუბარში თვითმხილველი ოთარ კიკაძე.

რამდენიმესაათიანი ძებნის შემდეგ, მაშველებმა მამაკაცი სოფელ ყვიბისთან ნახეს. იგი უკვე გარდაცვლილი იყო.

ვინ არის გარდაცვლილი და რა მოხდა, ამ ეტაპზე უცნობია. მომხდარს საქართველოს შინაგან საქმეთა სამინისტრო სისხლის სამართლის კოდექსის 115–ე მუხლით იკვლევს, რაც თვითმკვლელობამდე მიყვანას გულისხმობს.

[ვარლამ წიკლაური, ბორჯომი]