აწყურში უსახლკარო მამაკაცი ქუჩაში გაიყინა

შემთხვევა გუშინ, 16 დეკემბერს, გვიან ღამით მოხდა. სავარაუდოდ, მამაკაცი ნასვამ მდგომარეობაში იყო, გაღმა აწყურში ერთ–ერთი მიტოვებული სახლიდან გამოსვლისას დაეცა და იქვე გაიყინა.

გარდაცვლილი დღეს დილით ნახეს. ადგილზე მობილიზებული არიან სამართალდამცველები.

საქართველოს შინაგან საქმეთა სამინისტროს ინფორმაციით, მომხდარზე გამოძიება სსკ–ის 115–ე მუხლით დაიწყო. აღნიშნული მუხლი გულისხმობს თვითმკვლელობამდე ან თვითმკვლელობის მცდელობამდე მიყვანას მსხვერპლისადმი მუქარით ან სასტიკი მოპყრობით, ანდა მისი პატივის, ან ღირსების სისტემატური დამცირებით, -ისჯება თავისუფლების შეზღუდვით სამ წლამდე ან თავისუფლების აღკვეთით ხუთ წლამდე.

[Sknews.ge]