ახალციხეში კახა კალაძეს ელოდებიან

„სამხრეთის კარიბჭეს“ წყაროს ინფორმაციით, კახა კალაძის ვიზიტის მიზანი პარტიის რაიონული ორგანიზაციის გადახალისებაა. შეხვედრა დაახლოებით 15:00 საათზე, ახალციხეში, სასტუმრო „ბონა დეაშია“ დაგეგმილი.

პარტიის გენერალური მდივანი შეხვედრას გეგმავს სამცხე–ჯავახეთის სამხარეო ადმინისტრაციის შენობაშიც, სადაც გუბერნია, გამგეობა და მერიაა განთავსებული.
წყაროს ინფორმაციით, შეხვედრები იქნება დახურული და მას მხოლოდ რამდენიმე ადამიანი დაესწრება.

სამცხე–ჯავახეთის სამხარეო–ადმინისტრაციაში კახა კალაძის ვიზიტის შესახებ ინფორმაციას არ ადასტურებენ. კალაძის ვიზიტს არ ადასტურებენ არც სასტუმრო „ბონა დეაში“. „ქართული ოცნების“ პრესსამსახური კი არც სატელეფონო ზარს პასუხობს და არც მესიჯს.

აღსანიშნავია, რომ დღეს დილიდან გაიღო „ქართული ოცნების“ ყოფილი შტაბის შენობა, რომელიც არჩევნების შემდეგ აღარ გაღებულა. შენობაზე დაკიდეს „ქართული ოცნების“ დროშებიც.

[sknews.ge]