შადრევანი 'გრაფიკით' [Photo]

ახალციხის ხელოვნური ტბა, 5 სექტემბერი, 17:00 საათი, 2015წ.

"ახალციხე-ახალქალაქის გზატკეცილზე მდებარე ხელოვნურ ტბაზე მწყობრიდან გამოსული შადრევანი შეკეთდა, დაზიანებულ ძრავებს სარემონტო- სარეაბილიტაციო სამუშაოები ჩაუტარდა", – ეს განცხადება ჩართული შადრევნის ფოტოს თანხლებით, ახალციხის მერიამ მიმდინარე წლის 4 სექტემბერს ფეისბუქის გვერდზე გაავრცელა.

მას შემდეგ "სამხრეთის კარიბჭე" ტბას რამდენჯერმე ესტუმრა. 5 სექტემბერს, საღამოს 5 საათზე, შადრევანი გამორთული დაგვხვდა. შადრევანი ტბაზე არც ახლა მუშაობს.

ააიპ „ახალციხის ტბის“ დირექტორი გაგა ღავთაძე ამბობს, რომ შადრევანს მხოლოდ საღამოს საათებში რთავენ: "მთელი დღე რატომ ჩავრთოთ?! ხალხი არაა და ტყუილად ხომ არ იქნება. საღამოობით ვრთავთ, როცა ხალხი სეირნობს, ხან როდის და ხან როდის“.


4 სექტემბერი, ახალციხის მერიის მიერ გავრცელებული ფოტო

[თამარ თოთაძე, ახალციხე]