ახალციხის 'სათნოების სახლს' დირექტორი აღარ ჰყავს

ნათია მელიქიძე თანამდებობის დატოვების მიზეზად ოჯახურ პირობებს ასახელებს. მისი თქმით, საცხოვრებლად თბილისში გადადის და სამუშაო ადგილს ამიტომ ტოვებს.

„დაახლოებით ერთი კვირაა რაც გათავისუფლების შესახებ განცხადება დავწერე“, – ამბობს მელიქიძე.

მისი გათავისუფლების შესახებ ახალციხის მერიაში ბრძანება დღეს, 1 სექტემბერს დაიწერა.

„რეზოლუცია მელიქიძის გათავისუფლებას დღეს დაადეს“, – აცხადებს ახალციხის მერიაში საზოგადოებასთან ურთიერთობის სამსახურის წარმომადგენელი ეკა ბერიძე.

ააიპ „სათნოების სახლის“ დირექტორს ახალციხის მერი გიორგი კოპაძე დანიშნავს.

ნათია მელიქიძე ამ პოზიციაზე მიმდინარე წლის 6 თებერვალს დაინიშნა.

[თამუნა უჩიძე, ახალციხე]