დეზოდორანტი FA და სუნამო – საჩუქრები დისკოთეკის მონაწილეებს [Photo]

ახალციხის მერიას ფეისბუქის გვერდზე გამოქვეყნებული აქვს ფოტოები, რომლებიც ახალციხის ცენტრალურ პარკში გამართული დისკოთეკის დროსაა გადაღებული. ერთ–ერთ ფოტოზე ჩანან ახალგაზრდები, რომელთაც ხელში დეზოდორანტები უჭირავთ.

„ქალაქ ახალციხის მერიის კულტურის სამსახურის ინიციატივით და ორგანიზებით ცენტრალურ პარკში დისკოთეკა გაიმართა, რომელიც ახალგაზრდებს მიეძღვნა. სხვადასხვა ნომინაციაში გამრჯვებულებს კულტურის სამსახურმა ფასიანი საჩუქრები გადასცა“, – ახლავს აღწერა ფოტოებს.

„სამხრეთის კარიბჭე“ ერთ–ერთ ახალგაზრდას დაუკავშირდა, რომელმაც გვითხრა, რომ აქტიური ცეკვისთვის საჩუქრად ე.წ. „ადეკალონი“ მიიღო.

ახალციხის მერიაში „სამხრეთის კარიბჭეს“ განუმარტეს, რომ დისკოთეკის მონაწილე აქტიური წყვილებისთვის 120 ლარის საჩუქრები შეიძინეს. კითხვაზე, ვინ შეარჩია საჩუქრები, მერიიდან პასუხი ვერ მივიღეთ.

[sknews.ge]