ნინოწმინდის ბავშვთა სახლს გამგეობამ საჩუქრები გადასცა

ახალციხის მუნიციპალიტეტის გამგეობის კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის ორგანიზებით ახალციხის მუნიციპალიტეტის გამგეობისა და საკრებულოს წარმომადგენლები ნინოწმინდის ბავშვთა სახლს ესტუმრნენ. მათთან ერთად იმყოფებოდნენ დეკანოზი მამა სტეფანე (ნადირაძე) და დეკანოზი მამა იოანე (გელაშვილი). აღსაზრდელებისთვის ახალციხის თოჯინების სახელმწიფო თეატრის მსახიობებმა სპექტაკლი "სამი გოჭი" გამართეს.

ნინოწმინდის ბავშვთა სახლის აღსაზრდელებს ახალციხის მუნიციპალიტეტის გამგეობისა და თემის მოსახლეობისგან ტანსაცმელი, ტკბილეული, სპორტული აღჭურვილობა და პროდუქტები გადაეცათ.

ახალციხის მუნიციპალიტეტის გამგებლის ზაზა მელიქიძის თქმით, ეს არ იქნება ერთჯერადი ხასიათის დახმარება: "ახალციხის მუნიციპალიტეტი ამ ბავშვებს ყოველთვის გვერდში დაუდგება“.

ნინოწმინდის ბავშვთა სახლში 170 აღსაზრდელია, მათ შორის ყველაზე პატარა 2თვის მარიამია.

[sknews.ge]