ახალციხის ტბაზე ველორბოლა გაიმართა

ველორბოლა ქალაქ ახალციხის მუნიციპალიტეტის მერიის ორგანიზებით 12 აგვისტოს ჩატარდა.

„კარგი შეჯიბრი იყო, ძლიერი მოწინააღმდეგები მყავდა ,მაგრამ თავი გავართვი და პირველი ადგილი მოვიპოვე. მადლობა მინდა გადავუხადო ახალციხის მერიას, რომ ხელს უწყობს ახალგაზრდებში ჯანსაღი ცხოვრების წესის დამკვიდრებას“,– ამბობს პირველი ადგილის მფლობელი ვლადიმერ გელაშვილი.

ველორბოლაში მეორე და მესამე ადგილი დიმიტრი გიორგაძემ და ვასილ სუდაძემ გაინაწილეს. გამარჯვებულები ქალაქის მერმა გიორგი კოპაძემ და მერიის თანამშრომლებმა სიგელებით,თასებით და ფასიანი საჩუქრებით დააჯილდოვეს.

ღონისძიებისთვის ადგილობრივი ბიუჯეტიდან 730 ლარი გამოიყო.


[sknews.ge]