ახალციხეში ველორბოლა მოეწყო

ახალციხეში ააიპ „ ახალციხის ტბის“ მიმდებარე ტერიტორიაზე 40–მდე ახალგაზრდამ ველორბოლა გამართა. სპორტული აქტივობის მოწყობის მიზანს სუფთა ტრანსპორტის პოპულარიზაცია წარმოადგენდა.

ველორბოლაში მონაწილეობა პატარა და საშუალო ასაკის ახალგაზრდება მიიღეს. გამოვლინდა ორი გამარჯვებული საბა გელაშვილი და ალექსანდრე სოკოლოვი, რომლებსაც სამახსოვორო სიგელები და სერთიფიკატები გადაეცათ.

ახალციხის მერიის ინფორმაციით, გარდა ამისა, ველორბოლაში მონაწილე 40–მა ახალგაზრდამ ქალაქის მერიისგან სერთიფიკატები მიიღო.

სპორტული აქტივობა მდგრადი ენერგეტიკის დღეს მიეძღვნა.

[ვარლამ წიკლაური, ახალციხე]