უმცირესობამ საკრებულოს სხდომა პროტესტის ნიშნად დატოვა

ქალაქ ახალციხის მუნიციპალიტეტის საკრებულოში სხდომა 10:30 საათზე იყო ჩანიშნული. სხდომას საკრებულოს თავმჯდომარის მოადგილე თამარ გოგოლაძე უნდა გაძღოლოდა. თუმცა, იმის გამო, რომ უმრავლესობის წარმომადგენლები სხდომაზე არ გამოცხადდნენ, "ერთიანი ნაციონალური" მოძრაობისა და "გაერთიანებული დემოკრატიული მოძრაობის" დეპუტატებმა სხდომა პროტესტის ნიშნად დატოვეს.

სხდომის დაწყებამდე დარბაზში მხოლოდ უმრავლესობის ხუთი დეპუტატი იმყოფებოდა. დაგვიანებით მივიდა კიდევ ორი დეპუტატი ამბარცუმ ბაბოიანი და სამველ ოვეიანი. ქალაქ ახალციხის მუნიციპალიტეტის საკრებულოში განმარტავენ, რომ მამუკა მიქელაძე და გელა პეტაშვილი სხდომას საპატიო მიზეზის გამო არ ესწრებიან.

მერის მოადგილე ზაზა გელაძე აცხადებს, რომ ოპოზიცია ამას სპეციალურად აკეთებს. იგივეს ამბობენ, უმრავლესობის წარმომადგენლებიც.

თამარ გოგოლაძის თქმით, საკრებულოს სხდომა 15 წუთში განახლდება. დეპუტატებმა დღეს რვა საკითხი უნდა განიხილონ.

[თამარ თოთაძე, თამუნა უჩიძე, ახალციხე]