ახალციხიდან თბილისში მიმავალი გაფუჭებული ‘მარშუტკა’ 1.5 –საათიანი ლოდინის შემდეგ ახლით ჩაანაცვლეს

მგზავრები გამგზავრებას ახალციხის გასასვლელში, ქუჩაში ელოდნენ. „მიკროავტობუსი“ შპს „პროფესიონალის“ სადგურიდან 19:00 საათზე გავიდა და მალევე გზაში გაფუჭდა. მძღოლი მის შეკეთებას ცდილობდა, თუმცა, უშედეგოდ. საბოლოოდ, 20:40 საათზე, ავტოსადგურმა თბილისისკენ სხვა მიკროავტობუსი გაუშვა.

ამ დროის განმავლობაში, ორმა მგზავრმა დედაქალაქში გამგზავრება გადაიფიქრა და მძღოლს თანხა გამოართვა. თუმცა, შეფერხებულ მარშრუტს ახალი მგზავრებიც დაემატნენ.

შპს „პროფესიონალის“ ადმინისტრაციაში ამბობენ, რომ მიკროავტობუსი მათ არ ეკუთვნით და მანქანა თბილისის სადგურისაა: „ჩვენთან ყველა „მარშუტკა“ გამართულად მუშაობს“.


შეგახსენებთ, მძღოლი ამბობდა, რომ მანქანის ძრავს „რემენი“ გაუწყდა, ნახევარ საათში შეკეთდებოდა და თბილისისკენ გამგზავრება შესაძლებელი იქნებოდა.

[sknews.ge]