ახალციხიდან თბილისში მიმავალი 'მარშუტკა' ერთ საათზე მეტია გაფუჭებულია

მიკროავტობუსი ახალციხიდან თბილისის მიმართულებით 19:00 საათზე გავიდა. თუმცა, მალევე, ტრანსპორტი მწყობრიდან გამოვიდა და გაჩერდა. ამ დრომდე მძღოლო მიკროავტობუსის შეკეთებას ცდილობს, მგზავრები კი შეკეთებას ქუჩაში ელოდებიან.

როგორც თბილისი–ახალციხის მიკრო ავტობუსის მძღოლი ამბობს, მანქანის ძრავს „რემენი“ გაუწყდა, ნახევარ საათში შეკეთდება და თბილისისკენ გამგზავრება შესაძლებელი იქნება.

ამ დროისათვის, ორმა მგზავრმა მძღოლს მგზავრობის თანხა უკან გამოართვა და მიკროავტობუსი დატოვა. აღსანიშნავია, რომ ეს ახალციხიდან თბილისისკენ მიმავალი ბოლო მარშრუტია.

შპს „პროფესიონალის“ ადმინისტრაციაში ამბობენ, რომ მიკროავტობუსი მათ არ ეკუთვნით და მანქანა თბილისის სადგურისაა: „ჩვენთან ყველა „მარშუტკა“ გამართულად მუშაობს“.

[sknews.ge]