ახალციხის გამგეობა 'პიკაპს' ყიდულობს

ტენდერი 8 მაისს გამოაცხადდა, წინადადებების მიღება 11 მაისს დაიწყო. სატენდერო დოკუმენტაციის მიხედვით, „პიკაპის“ გამოშვების წელი არანაკლებ 2011 უნდა იყოს. ტენდერში გამარჯვებულმა კომპანიამ, ავტომობლი ხელშეკრულების გაფორმებიდან 45 დღის ვადაში უნდა შეიძინოს.

ახალციხის მუნიციპალიტეტის გამგეობას ჯამში 15 მანქანა ჰყავს. აქედან, 8 გამგეობისა და საკრებულოს თანამშრომლებს, 7 კი ააიპ „ახალციხის მელიორაციასა“ და შპს „ვალის კომუნალურ დასუფთავებას“ ემსახურება.

ახალციხის თემის საკრებულოსა და გამგეობას ჰყავს: ერთი „პრადო“, ერთი „შკოდა“, ერთი „პიკაპი“, ოთხი „ნივა“ და ერთი “მიცუბიში პაჯერო იო“.

ააიპ–ი „ახალციხის მელიორაციას“ – ერთი „ნივა“ და ერთი „პიკაპი“, ხოლო შპს „ვალის კომუნალურ დასუფთავებას“ ოთხი ნაგავმზიდი და ერთი ნივა ემსახურება.

შეგახსენებთ, რომ ადგილობრივმა თვითმმართველობამ 2016 წელს „პიკაპის“ მარკის ავტომობილის შესაძენად ტენდერი სამჯერ გამოაცხადა, აქედან ორი ტენდერი შედგა ხოლო, ერთი ჩაიშალა. ორი პიკაპიდან ერთი გამგეობას ემსახურება, ხოლო მეორე „ახალციხის მელიორაციას“ გადაეცა.

[თინათინ ზაზაძე, ახალციხე]