ბორჯომში ყოფილი პოლიკლინიკის შენობაში მუზეუმი განთავსდება

ბორჯომის მუნიციპალიტეტის გამგეობის გადაწყვეტილებით, კავალერიის კორპუსი საქართველოს კულტურისა და ძეგლთა დაცვის სამინისტროს უსასყიდლოდ გადაეცა. რებილიტაციის შემდეგ სამინისტროს ინიციატივით, შენობაში თანამედროვე, ადაპტირებული მუზეუმი – გალერია გაიხსნება. მუზეუმში ბორჯომის მხარეთმცოდნეობის ფონდებში დაცული ექსპონატების ნაწილი განთავსდება.

როგორც ბორჯომის მუნიციპალიტეტის გამგეობაში აცხადებენ, შენობა წლების განმავლობაში უფუნქციოდ იყო.

„კავალერიის კორპუსი 1895 წელს, ქვის, ფსევდო-გოთურ სტილშია აგებული. მაღალი ფრონტონებით, მანსარდით, სარდაფით, კოშკებითა და მხატვრულ-არქიტექტურული ფორმებით შენობა განუმეორებელ არქიტურულ ძეგლს წარმოადგენს“, – აცხადებენ ბორჯომის გამგეობაში.

[Sknews.ge]