ძლიერმა წვიმამ ბორჯომის ორ სოფელში საავტომობილო გზა დააზიანა

ძლიერი წვიმა და ქარი ბორჯომში 6 ივნისს, საღამოს, დაახლოებით 20:00 საათისთვის დაიწყო. მუნიციპალიტეტის გამგებლის დიმიტრი ყიფიანის განმარტებით, უხვმა ნალექმა დვირსა და ტაძრისის საავტომობილო გზებზე სილა და ლამი ჩამოიტანა, ამის გამო აღნიშნულ მონაკვეთზე მოძრაობა არ შეფერხებულა.

ძლიერ წვიმას თან ერთვოდა სეტყვაც, რის გამოც ტაძრისში მცხოვრებ ერთ ოჯახს სახლის სახურავი დაუზიანა.

„სტიქიის შედეგებს შემსწავლელი კომისია შეისწავლის, საკრებულოს სხდომაზე განვიხილავთ და დავეხმარებით“,- ამბობს ბორჯომის მუნიციპალიტეტის გამგებელი დიმიტრი ყიფიანი.

[თინათინ ზაზაძე. ბორჯომი]