15 აპრილი სიყვარულის დღეა [Video]

საქართველოში სიყვარულის დღე უკვე 20 წელზე მეტია 15 აპრილს აღინიშნება. ეს დღესასწაული წლების წინ ჟურნალ "ვარსკვლავების" დამაარსებელმა ბესო ჩუბინიძემ დააწესა. 1993 წელს მან საზოგადოებას შესთავაზა 15 აპრილს სიყვარულის დღის აღნიშვნა და ერთი წლის შემდეგ ამ ტრადიციას საფუძველი ჩაეყარა. მას შემდეგ, ყოველ 15 აპრილს საქართველოში სიყვარულის დღე აღინიშნება.

იციან თუ არა სიყვარულის დღის დაწესების ისტორია ახალგაზრდებმა, "სამხრეთის კარიბჭემ" სამცხე–ჯავახეთის სახელმწიფო უნივერსიტეტის სტუდენტები გამოკითხა. გამოკითხული რესპოდენტებიდან ამ დღის დაწესების ისტორია არცერთმა მათგანმა არ იცის. ზოგიერთი მათგანი შეყვარებულთან ერთად აღნიშნავს ამ დღეს, ზოგიერთს კი არც ახსოვს, რომ დღეს 15 აპრილია.

[თამარ თოთაძე, ოთარ აწყურელი, ახალციხე]