‘ახალციხე წყნარი ქალაქია, აქ საშიში არაფერია’

ბოლო პერიოდში გახშრდა ქურდობისა და მოქალაქეებზე თავდასხმის ფაქტები. ქურდობის შემთხვევები დაფიქსირდა ახალციხეშიც. მაგალითდ, გუშინ, გვიან ღამით, ახალციხეში სუპერმარკეტი გაქურდეს.

„სამხრეთის კარიბჭე“ დაინტერესდა რას ფიქრობენ ახალციხეში მცხოვრებლები, რამდენად უსაფრთხოდ გრძნობენ თავს, ხომ არ გახშირდა ქურდობისა და თავდასხმის შემთხვევები მათ გარშემო, ხომ არ ეშინიათ ავტომანქანების ეზოში დატოვება და ასე შემდეგ.

რედაქციამ ახალციხის ცენტრალურ ქუჩებში შემხვედრი მოქალაქეები გამოკითხა. გამოკითხულთა უმეტესობამ გვითხრა, რომ თავს უსაფრთხოდ გრძნობს, არც ახალციხეში და არც ზოგადად ქვეყანაში, ვითარება არ დამძიმებულა. ნაწილმა თქვა, რომ რადგან ახალციხე პატარა ქალაქია, აქ ყველა ერთმანეთს იცნობს და მსგავსი შემთხვევბისგანაც დაცულები არიან. თუმცა, რამდენიმემ გვითხრა, რომ ბოლო დროს ქუჩაში ხშირად ხვდება ნასვამ და მოჩხუბარ ახალგაზრდებს და ამ დროს არსად ჩანს პოლიცია, ეს კი გარკვეულ შიშებს უჩენს.

[თინათინ ზაზაძე, ოთარ აწყურელი, ახალციხე]